Version française:

 

14 septembre

Ballade au Clair de Lune

10,6km sur des chemins ruraux et cyclables

 

Départ: 20h00

Café des Sports

38, Haaptstrooss

L-8530 Ell

 

Nous roulons ensemble la randonnée de 10,6km (140m de dénivelé positif) au clair de lune et si le ciel est dégagé, avec une superbe vue sur le firmament au-dessus de la vallée de l'Attert.

Au retour, une soupe aux légumes provenant du Canton et preparée par la Société Coopérative Op der Schock sera servie.

Idéal pour les familles avec enfants!

Prix: 7,5€ / Beki

Inscription indispensable avant le 9 septembre:

Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!   T 26 62 08 01 22

Hëlleft Är Gemeng an Äre Kanton erëm op de Podium ze bréNgen a fuert an den 21 Deeg vun der Aktioun "Tour du Duerf" sou oft wéi méiglech mam Vëlo. Wouhinn Dir fuert (Aarbecht, Fräizäit, Sport, Akafen,...) ass egal.

All Awunner aus dem Kanton Réiden ka matmaachen, wéi och d'Persounen, déi an der Gemeng schaffen oder hei an engem Veräin sinn.

Wéi kann ech matmaachen?

1) Entweder registéiers Du Dech iwwer www.tourduduerf.lu. Du kanns engem bestehenden Team (Bsp. "Offenes Team" fir all déi, déi keen eegent Team wëlle grënnen, bäitrieden) oder Däin eegent Team grënnen. All Kilometer, deens Du fiers, w.e.g. androen!

2) All Deng Kilometer opschréiwen a eng Foto dervunner mam NUMM a GEMENG op Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein! schécken.

D'Kilometer-Angaben baséieren op Vertrauen.

Mir soen Iech villmools Merci fir d'Matmaachen!

Nach Froen: Mobilitéitsatelier  T. 26 62 08 01 22   

De 27. September huet eng Konferenz iwwer nohalteg Mobilitéit zu Réiden an der Aula statt fonnt. Di zwee Vertrieder vum Nohaltegkeetsministère, Alex Kies a Yan Steil, hunn fir d'éischt di nationale Mobilitéits-Strategie MODU 2.0. virgestallt. Hei ass den Akzent op d'Wichtegkeet vun der aktiver Bedeelegung vun de 4 Akteuren - Bierger, Aarbechtsgeber & Schoul-Ariichtungen, Gemengen a Staat - geluecht ginn. Eng nohalteg Mobilitéit ka nëmmen zesummen erreecht ginn.

Wat kann de Staat maachen? De Staat fixéiert de legale Kader, hee gëtt d’Richtung fir d’Mobilitéitsentwécklung un duerch seng Investitiounen an d’Infrastrukturen, duerch d’Offer am ëffentlechen Transport an duerch seng Planung vum ëffentleche Raum.

Wat kënnen d’Gemenge maachen? D’Gemengen gestalten den ëffentleche Raum, deen d’Awunner dozou leet ee bestëmmten Verkéiersmëttel ze notzen.

Wat kënnen d’Employeure maachen? Si kënnen hier Mataarbechter dozou encouragéieren, Co-Voiturage ze maachen, si kënnen den mPass offréieren oder flexibel Aarbechtszäiten / Télétravail erlaben, si kënnen Service-Vëloen an Duschen mat Vestiairen zur Verfügung stellen.

Wat kënnen d’Bierger maachen? De Bierger huet de Choix tëschent de verschiddene Verkéiersmëttel a ka seng Gewunnechten regelméisseg iwwerdenken. Heizou kënne folgend App’en benotzt ginn:

  • Fir den ëffentleche Verkéier: mobilitéit.lu  
  • Fir Fahrgemeinschaften: copilote.lu     

 

Folgend Informatiounen sinn zum geplangte Busnetz matgedeelt ginn:

  • Am Fréijor 2019 soll d’Detailplanung vum neie Busnetz ofgeschloss sinn an der Ëffentlechkeet virgestallt ginn. D’ Ëmsetzung soll an der 2. Halschent 2019 ufänken a bis 2021 daueren.
  • D’Lëtzebuerger Land gëtt a verschidde Secteuren (Réidener Kanton gëtt zB. Secteur “8”) agedeelt an et gëtt eng kloer Nomenklatur agefouert fir Schnellbusser (8-01), Normal Linnen (8-10, 8-11), Sekundärlinnen (8-31) an Transversal Linnen(8-50).
  • Et si Schnellbusser virgesinn, déi an all Uertschaft just 1x stoe bleiwen, fir méiglecht séier a kompetitiv par Rapport zum Auto ze sinn. Do dernieft ginn et och nach ëmmer Normal Linnen, déi op all Arrêt stoe bleiwen.
  • D’Busser solle Méindes bis Freides all op mannst bis 22:00 fueren an och méi Sonndes (2-Stonnentakt).
  • Zousätzlech ass fir de ländleche Raum nach ee Ruff-Bus-System virgesinn.

Fir Informatiounen zu den uschléissende Froen & Äntwerten klickt hei.

Mir hunn eis Entscheed den Domain Numm vu krk (Klimapakt Réidener Kanton) op klima.lu ëmzeänneren.  

Mir denken, dass deen Numm dach méi logesch kléngt a besser ze verhalen ass. Doduerch sinn d'Facebook Counteren op Null gesat ginn. Dat heescht Liken vun Artikelen ginn nees bei 0 un.

Mir hoffen Iech reegelméisseg rëm ze gesinn op klima.lu.

A Punkto Klimaschutz ass et ze spéit fir pessimistesch ze sinn, an dofir freeën mir eis op eng konstruktiv, nohalteg Approche vun de Bierger aus dem Réidener Kanton an natierlech och wäit iwwer des Grenz eraus. Den ekologesche Gedanken kann een och op de Weltfridden iwwerdroen a mir wënschen eis dofir ee Mateneen an dass mir Mënschen et iergendwann fäerdeg bréngen besser mateneen eens ze ginn. Mir aus dem Réidener Kanton si géint de Friemenhaass .

d'Equipe klima.lu 

 


Léif Leit alleguer,

D'Flüchtlingshëllef leeft op Volltouren, an den OLAI an d' Flüchtlingsstrukturen sinn hoffnungslos iwwerlaascht vun all de gutt gemengten Aktiounen vun de Leit, fir Gezei, Iessen a soss wellech Saachen ze spenden. Fir dass sou gutt gemengten Aktiounen e Succès hunn an net zu Frustratiounen féieren, well se net méi kënnen ugeholl ginn, ass et besser, et gëtt ee sech eng Struktur, fir dës Aktiounen zentral ze koordinéieren an sech ze konzertéieren, wat wou gebraucht gëtt.A wa mir dann iwwer kuerz oder laang och eng Flüchtlingsstruktur an de Kanton kréien, oder Flüchtlingsfamillen bei eis opgeholl solle ginn, da si mir gutt virbereed, souwuel materiell wéi organisatoresch a logistesch. Agéieren statt reagéieren ass ëmmer besser, da gëtt een net kal erwëscht.
Duerfir wëlle mir en Aarbechtsgrupp zesummesetzen, deen en Noutfallplang ausschafft fir sou Situatiounen.
Mir kucken, wou et Méiglechkeete gëtt, fir Leit ënnerzebréngen, wa mir vun der Regierung opgefuerdert ginn, der opzehuelen, a wou eng zentral Struktur kéint hikommen, wann dat de Fall solt sinn. Sou steet keng Gemeng eleng do mat der Situatioun, mee kritt Hëllef vum ganze Kanton. Et gëtt scho Gemengen, déi ganz aktiv amgaange sinn, Ënnerkënft z'organiséieren .
Da kucke mir, wou en Depôt méiglech ass, fir Saachen ze stockéieren, déi un d'Flüchtlingen verdeelt solle ginn. Do kënnt alles hin, den Triage gëtt organiséiert vun allem, wat erakënnt, fir dass mir gesinn, wat mir hunn, fir ze verdeelen, a wat nach gebraucht gëtt - do kann dann erëm gezielt opgeruff ginn, dat ze bréngen. Da gëtt dat kee sou e Chaos a mir kréien déi Saachen, déi wierklech gebraucht ginn.
Da maache mir Lëschten mat all deene Benevolen, déi sech mellen, fir ze hëllefen, sief dat am Triage, am Saache siche goen resp. se an d'Strukturen ze féieren, beim Hëllefen, eis Sprooch/Schrëft bäizebréngen, asw. Mir froen, ween wat fir eng Hëllef ubidde wëll a wéini en disponibel ass.
Mir wëlle mat den Dokteren, mat den Apdikten, mat de kierchlechen Organisatiounen, mat de karitativen Ariichtungen (Croix-Rouge, Caritas, ... ), mam OS Care a mat den Geschäfter an Entreprisen aus dem Kanton zesummeschaffen.
Dofir hei en Opruff un d'Gemengen, d'commissions d'intégrations, all Veräiner a Clibb, all Organisatiounen, all Geschäftsleit an all Privatleit - wann dir eppes wëllt fir d'Flüchtlingshëllef maachen, da wend iech un den Aarbechtsgrupp vum Réidener Kanton, fir dass mir dat gemeinsam ugoe kënnen. Mir wäerten en Internetsite ariichten, wou dir iech kënnt informéieren an aschreiwen, dee mir op den Internetsite vun de jeeweilege Gemengen wäerte setzen an d'Kontaktadress vum Aarbechtsgrupp an de Gemengebued vun alle Gemengen publizéieren.
Bis dat steet, kënnt dir är Gemeng kontaktéieren, déi är Donnéeën an är Iddien sammelt an un den Aarbechtsgrupp weiderleet.
Villmools Merci am viraus fir är Mathëllef!!

De Réidener Kanton