Resultater vun der Ëmfro fir eng zäitgeméiss Mobilitéit am Kanton Réiden

Résultats du sondage pour une mobilité opportune au Canton de Redange

(LU) Am Kader vun der Mobilitéitswoch 2020, gouf am Kanton Réiden eng anonym Ëmfro iwwer d’Mobilitéitsverhalen a Corona-Zäiten organiséiert. Et hunn insgesamt 200 Awunner matgemaach, deene mir villmools Merci hei wëlle soen.

Dir fannt d'Grafike mat all de Resultater hei.

(FR) Dans le cadre de la semaine de la mobilité 2020, le Canton de Redange a lancé une enquête de notre mobilité en période de la pandémie du Corona. En total, 200 citoyens ont participé et nous leur en remercions chaleureusement.

Vous trouvez les graphiques avec les résultats ici.

 

Résumé (uniquement en luxembourgeois)

Home-Office
Een Drëttel huet nach ni am Home-Office geschafft, wëll et net méiglech ass. Ee Véierel schafft net méi am Home-Office. 4% sinn nach ëmmer am Home-Office a 16% schaffen nach deels vun doheem aus. De Rescht geet nach an d’Schoul oder schafft net, oder net méi.
Fir 55% wier den Home-Office zumindest deelweis eng Optioun. Bei 32% ass den Home-Office wéinst der Aktivitéit vum Beruff net méiglech. De Rescht geet nach an d’Schoul oder schafft net, oder net méi.

Summervakanz 2020
Genee 50% hunn hier Summervakanz dëst Joer am Land verbruecht, déi aner Hallschent war fir hier Vakanz an d’Ausland.

Notze vum HORESCA-Bong
Gutt ee Véierel huet bis de September de Bong schonn ageléist. 40% haten zu deem Zäitpunkt nach Wëlles et ze maachen, an een Drëttel notzt dëse Bong net. Vun deenen, déi de Bong benotzt hunn, hunn di meescht (52%) eng Nuecht an engem Hotel zu Lëtzebuerg verbruecht, een Drëttel ass 2-3 Nuechte bliwwen, 15% si méi wéi 4 Deeg bliwwen.

Ze Fouss goen
40% gi méi ze Fouss säit dem Lockdown, fir 60% huet sech näischt geännert mat der Kris. Déi grouss Majoritéit geet ze Fouss fir an d’Natur spadséieren ze goen, 30% ginn am Alldag ze Fouss (Kommissiounen, Schoul, Schaff,...).

Ursaache fir net méi ze Fouss ze goen
Vill Bierger wëssen net wou se sollten ze Fouss am Duerf higoen, wëll net méi vill Betriber oder Aktivitéiten an den Dierfer sinn (37%). Gutt ee Véierel huet keng Zäit fir ze Fouss ze goen. 16% fillen sech net sécher als Foussgänger, a wënsche sech méi ofgeséchert Foussgängerinfrastrukturen.

Kaf vun engem neie Vëlo säit Mäerz 2020
11,5% hu bis Enn September een neie Vëlo kaf, bei 15% ass et nach geplangt. Am meeschte gouf een Toure-Vëlo kaf (3,5%), 2. Favorit sinn E-Bike an E-MTB (je 2,5%).

Vëlo fueren
17% hunn uginn, dass si méi Vëlo fuere säit dem Lockdown. 23% fuere genee esouvill. 18% notzen de Vëlo och fir op d’Schaff ze fueren oder fir Kommissiounen ze maachen. 80% notzt de Vëlo nëmme fir Fräizäitzwecker oder guer net. 8% vun de Befrote fuere bal all Dag Vëlo, 10% ëmmerhin 2-3x d’Woch. 14% fuere ronn 1x an der Woch. 19% ronn 1x am Mount, 16% fueren ee bis zweemol am Joer. Praktesch een Drëttel fiert ni Vëlo.

Evaluatioun vun der Vëlosinfrastruktur am Kanton Réiden
12% fannen d’Vëlosinfrastruktur ganz gutt, 36% fannen se gutt, 25% mëttelméisseg, 8% schlecht an 2% ganz schlecht. 17% hu keng Anung iwwer d’Vëlosinfrastruktur am Kanton.
Eis Awunner wënschen sech folgend Verbesserunge, fir dass méi Vëlo gefuer gëtt (méi Optioune méiglech):
- 37% méi Sécherheet ausserhalb vun den Uertschaften
- 33% méi direkt Verbindungen
- 30% méi Zäit am Alldag
- 25% méi Sécherheet an den Uertschaften
- 25% méi lokal Akaafsméiglechkeeten
- 15% méi Méiglechkeeten de Vëlo sécher bei de Bushaltestellen ofzestellen
- 15% méi Informatiounen zu de Vëlospisten
- 13,5% een E-Bike
- 8,5% eng besser Beschëlderung
- Soss Wënsch: méi Vëlospisten, eng direkt Verbindung op Miersch, keng Autoen op de Vëlospisten, Groussbus un d’Vëlosnetz uschléissen, Vëlospiste laanscht déi Haaptverkéiersachsen, den Iwwergang bei der Nidderpallener Gare ofsécheren, méi Kontrolle fir di 1,5m Distanz tëscht Auto a Vëlo ze garantéieren,…
11,5% hunn uginn, dass si ni wäerte Vëlo fueren.

E-Bike
20% vun de Befroten hunn een E-Bike, 67% hu keen E-Bike an 13% plangen sech een unzeschafen.

Ëffentlechen Transport
10% notzen den ëffentlechen Transport méi oft säit e gratis ass. Fir 67% huet sech näischt geännert um gratis ëffentlechen Transport. 10% notzen de Bus an Zuch manner oft, wëll et säit der Kris manner Uläss ginn. 8% notzen e manner wëll se Bedenken hunn (Mask droen,…).

Akafen
35% ginn un, dass si säit der Kris méi bewosst akafen, 10% kafe méi online an, 15% gi manner fir Konsumartikelen (Kleeder....) aus, 37% hunn hier Gewunnechten net changéiert (deels wëll se scho souwisou regional akafen).


Dës Resultater hëllefen eis fir di richteg Prioritéiten ze setzen. Mir soen Iech Merci fir Äert Matmaachen.